![Tơplôu: Gương/VOV](/themes/custom/vov_4/images/avatar.png)
Xông tơpui a hneăng hôp, Đăi tươ̆ng Phan Văn Giang, Ngế xiâm pơkuâ lêng mơnhên, 3 hơnăm hiăng hluâ, kăn ƀô̆, đảng viên ƀă kuăn pơlê tung tâi tâng khu lêng hlê plĕng trâu hơngế, hiâm mơno pôu râng hnoăng cheăng, ‘nâi hriâm tâp xêh ƀă pêi tiô Pôa Hồ ƀă mâu tơdroăng pêi ki nhên, pơxúa.
![Đăi tươ̆ng Phan Văn Giang lăm ngăn tíu mơđah tơbleăng a Hneăng hôp](https://vov4-media.solidtech.vn/sites/default/files/styles/large/public/2024-06/dai_tuong_phan_van_giang_va_cac_lanh_dao_bo_quoc_phong_tham_quan_gian_trung_bay_tai_hoi_nghi_20240613204625_3.jpg)
Mơdêk hiâm mơno ‘’kum ăm Tơnêi têa, kum ăm kuăn pơlê’’, tah lôi mâu tơdroăng pá puât, pêi kêi đeăng hnoăng cheăng châ pơcháu, hbrâ pleăng hnoăng cheăng vâ gâk kring Đảng, Khu râ kăn pơkuâ Chin phuh, Tơnêi têa ƀă kuăn pơlê, pơtối tơbêng khôi túa vâi krâ nah ‘’Khŏm tơplâ, khŏm ƀlêi trâng’’ ƀă troh lâp lu hiâm mơno, um méa ki lĕm Mô đô̆i Pôa Hồ rơxông nếo.
Tung la ngiâ, Đăi tươ̆ng Phan Văn Giang pơkâ thế mâu khu râ kăn pơkuâ hnê ngăn Đảng, khu Đảng, mâu khu râ hlê plĕng ƀă pêi pro tro mâu tơdroăng xiâm ki kal. Tung mê mơdêk tơdroăng mơnhông hnoăng, pôu râng hnoăng cheăng ƀă tơdroăng ki djâ troăng ahdrối dêi kăn ƀô̆, đảng viên.
Viết bình luận