Khu xiâm pơkuâ ngăn lêng khĕn kơdeăn 45 ngế hơnăm ối nếo pêi cheăng kơhnâ rơkê, mâu ngế hơnăm ối nếo tơngah tung tâi tâng kuăn pơlê 2023
Thứ tư, 10:00, 27/03/2024
Tơplôu: Gương/VOV
Tơplôu: Gương/VOV
VOV4.Xơ Đăng - Tơbâ 93 hơnăm hâi mơjiâng Đoân Droh rơtăm Kŏng sản Hồ Chí Minh, kơxê hâi lơ 26/3, Đảng lêng xiâm tơnêi têa, Khu xiâm pơkuâ ngăn lêng tơkŭm po leh khĕn kơdeăn 45 ngế hơnăm ối nếo kơhnâ rơkê, Hơnăm ối nếi ki tơngah djâ troăng lĕm tung tâi tâng mâu lêng hơnăm 2023.
Tơbleăng a rôh leh khĕn kơdeăn, Đăi tươ̆ng Lương Cường, Ngế cheăng tung khu xiâm kal kí, Ngế pơkuâ khu xiâm ngăn tơdroăng cheăng kal kí mâu lêng Việt Nam tối, droh rơtăm mâu lêng đi đo hbrâ pêi pro mâu tơdroăng cheăng, hriăn plĕng pêi tơdroăng ki nếo, pêi cheăng ai pơxúa pơtối rak vế pêi pro tro ‘na ki djâ troăng a hdrối tung todroăng hriâm, hbrâ tơplâ, tăng ‘nâi plĕng, tăng ‘nâi plĕng khoa hok, mơjiâng khu lêng rơdêi, hriâm rak tro luât, pêi chiâk deăng, tơkâ luâ xơpá xua kong prâi pro, kum kuăn pơlê kơdroh kơklêa xăm kơtiê, mơjiâng thôn pơlê nếo, kơphô̆ rơkê plĕ...
Tối nhên 45 ngế châ kơdeăn khĕn hâi kố cho mâu ngế pêi cheăng kơhnâ rơkê tung rơpâu mơngế ki kơhnâ rơkê dêi mâu droh rơtăm tung lêng tung mâu kơvâ cheăng lêng hơnăm 2023.
Viết bình luận