Hâi lơ 31/1, Khu kăn ki pêi dêi hnoăng cheăng dêi Khu tơrŭm Tíu xiâm Đảng hiăng pêi cheăng ƀă Khu pơkuâ ngăn Đảng Lâm Đồng, tơbleăng Pơkâ dêi Khu xiâm pơkuâ tơdroăng kal kí, xing xoăng pơkuâ tơdroăng cheăng dêi Khu pơkuâ ngăn, Khu pơkuâ ngăn Đảng. A rôh pêi cheăng, kăn xiâm phŏ tơrŭm Tíu xiâm Tơnêi têa Phan Thăng An hiăng tơbleăng Pơkâ dêi Khu xiâm pơkuâ tơdroăng kal kí, xoăng pôa Trần Đình Văn, Kăn phŏ pơkuâ hnê ngăn Đảng Lâm Đồng pơkuâ tơdroăng cheăng dêi Khu pơkuâ ngăn cheăng Đảng Lâm Đồng.

Ngế xiâm phŏ pơkuâ Khu tơrŭm Tíu xiâm Tơnêi têa Phan Thăng An hiăng tơbleăng Pơkâ dêi Khu xiâm pơkuâ tơdroăng kal kí, pơkâ thế Khu pơkuâ ngăn Đảng ƀô̆ kong pơlê Lâm Đồng ƀă pôa Trần Đình Văn pêi pro tro hnoăng cheăng dêi Khu pơkuâ ngăn Đảng ƀô̆ kong pơlê. Poâ Trần Đình Văn tối rơdêi kô pơtối tơrŭm, môi tuăn rơtế ƀă Khu pơkuâ ngăn Đảng tơkâ luâ xơpá nôkố.