Pri Hlá tơbeăng kong pơlê Dak Lak roh kô ai 90 ƀai ối tung 5 khu ƀai hlá tơbeăng mê cho hlá tơbeăng in, hlá tơbeăng điê̆n tưh, tơpui tung rơ’jíu, mơ’no tung um tơvi ƀă um hlá tơbeăng dêi mâu ngế chêh, khu chêh hiăng pơtroh veăng tơ’noăng. Tiô Khu tơkŭm po, mâu ƀai chêh veăng tơ’noăng pri roh kố hiăng chêh tối tâi tâng, nhên khât, môi tiah khât ƀă mâ ngăn hên troăng ‘na tơdroăng rêh ối a kong pơlê.

Chêh tối tơdroăng ki tơdjêp tơkâ hluâ pá puât mơ-eăm dêi hên ngế krê, khu pú hên kăn ƀô̆ đảng viên vâ mơnhông cheăng kâ, rêh ối pơlê pơla, gâk kring tơniăn pơlê pơla, tơniăn tơdroăng rêh ối a rêm tung tơring. Hên ƀai chêh djâ tơdroăng ki châ hlo, hlê plĕng tơdroăng ki ôh tá tro, tối tơbleăng hdrối; mơhno ki rơkê lĕm tro, pơtroh ki hâk vâ, mơjiâng ivá troh lâp lu, po rơdâ mâu ngế ki rơkê tung pêi cheăng, pêt mơjiâng tơmeăm ƀă mâu tơdroăng dêi tơdroăng rêh ối pơlê pơla.