Kố cho tơdroăng kal kí ki kal, khôi túa lĕm tro ki kal veăng amê ai khu râ kăn pơkuâ Đảng, Tơnêi têa, mâu khu xiâm, kơvâ cheăng Tơnêi têa ƀă mâu tơring. Kố cho tơdroăng kal ai kơnâ kal khât ƀă Đảng ƀô̆, khu râ kăn pơkuâ ƀă Kuăn pơlê mâu hdroâng kuăn ngo tung kong pơlê. Kố cho roh vâ pơ-ôu pơ-eăng, mơnê mâu ngế hiăng pro xiâm kối, kum tung tơdroăng châ tơƀrê châ tung lối 20 hơnăm hiăng hluâ dêi kong pơlê Dak Nông.

Mơnúa mơđah tơbleăng má mơ’nui ahdrối vâ po Leh tơbâ (Um Hlá tơbeăng Dak Nông)

Tơdrêng amê, mơnhông hiâm mơno ki hâk, nhuô̆m hdroâng kuăn ngo; mơdêk tơdroăng ki loi tơngah, mơhnhôk kăn ƀô̆, đảng viên ƀă Kuăn pơlê mâu hdroâng kuăn ngo tung kong pơlê pơtối mơnhông khôi túa lĕm rŭm môi, môi hiâm mơno, tơdjuôm ivá mơjiâng, mơnhông ƀă gâk kring pơlê xiâm, tơnêi têa tung hneăng nếo.