Tâi tâng ƀăng deăng lối 56 rơpâu hectar kong kân rơdâ tung 2 tơring Sa Thầy ƀă Ngọc Hồi dêi kong pơlê Kon Tum, Khu pơkuâ Kơdrum ilâng kong tơnêi têa Chư Mom Ray mơnhên dâng 20.000 hectar, tung mê ai 250 hectar kong pêt dế tơ’lêi tro on chếo.

Pôa Đào Xuân Thủy, Kăn pơkuâ kơdrum ilâng kong tối ăm ‘nâi, tíu cheăng dế pơtối mơhnhôk, rak hên khu ki hbrâ mơdât on chếo, ki má lối cho a mâu kơpong kong ai hlá pêi, kong ai phêa, pơlái, kơlá ƀă kong pêt. Khu gâk ngăn kong ki ai mâ tơdrêng 72 ngế, châ xing xoăng pêi cheăng 14 tíu ƀă 21 tíu gâk.

Tơrŭm ƀă pơtâng tối, mơhnhôk, pơchân tối kuăn pơlê ôh tá xúa on, ôh tá chôu chiâk deăng a chôu ki kong tô vâ kơdroh chếo. Tíu cheăng xúa Flycam vâ séa ngăn rêm hâi rĕng châ hlo, ing hơngế mâu tơdroăng tơ’lêi chếo kong teăm tơdrêng.