Vâ mơdât on chếo kong, mâu tíu pơkuâ ngăn kong rơtế ƀă khu ki ai tơdjâk troh kong pơlê dế pơtối thăm pơtroh mâu khu lêng, mâu rơxế kế tơmeăm vâ mơdât on chếo kong tá hâi ƀă măng. A mâu tơring Đăk Tô, Đăk Hà, Sa Thầy, Kon Rẫy, Ngọc Hồi, Đăk Glei, tíu ki châ kong Kon Tum mơnhên hên ƀăng tơnêi kong ki chiâng xêh ƀă kong loăng pêt mơni kô tơ’lêi tro on chếo, mâu tíu ki pơkuâ ngăn kong, khu ki ai tơdjâk troh ƀă kăn pơkuâ mâu tơring cheăm dêi kong pơlê pơtối mơjiâng tơ’nôm mâu tíu gâk vâ hbrâ mơdât mâu ngế ki mot lo tung kong; thăm pơtroh mâu khu lêng troh kơpong ki tơkoh kĭng hnê mơhno kuăn pơlê gô̆m văng chôu chiâk deăng châ rak ngăn kơtăng vâ on pôi tá chếo kong.

Tơdrêng amê mâu khu lêng mố đô̆i, kŏng an tơrŭm ƀă khu rak ngăn loăng pơlái kuăn kiâ kong, tíu pêi cheăng pơkuâ ngăn kong ƀă kăn pơkuâ mâu tơring cheăm xuân hbrâ rơnáu túa pơkâ, xoăng khu lêng, kế tơmeăm hbrâ rơnáu veăng tŏng kum, tơpâ on tung tơdroăng ki tâng ai on chếo kong.