Lối 1 hơnăm hdrối, kuăn pơlê a kong pơlê Dak Nông hiăng lăm nâp dêi lối 300 toăng pháu ki vâi hriăn pro xêh rơtế ƀă hên mâu kế tơmeăm ki chiâng pơtôu. Tiô Kŏng an kong pơlê Dak Nông, mâu hơnăm hdrối, tung kong pơlê hiăng ai hên tơdroăng pro châi tuăn, khéa kho, pro tơdjâk troh tơdroăng ‘na pháu, kế chiâng pơtôu ki vâi hriăn pro xêh, mê cho: lăm lúa tro pĕng mơngế, pro vâi hlâ, kơdê mơngế, tơleăng mâu tơdroăng tơhôu dêi rơpó, tong tơmeăm ƀă hên ki ê.

Tơdroăng mê, tơdrêng ƀă tơdroăng mơdêk hnê tối kuăn pơlê kring vế, gak tơniăn tơnêi têa, Kŏng an kong pơlê Dak Nông hiăng mơdêk hnê tối mơhnhôk  kuăn pơlê lăm nâp dêi pháu, tơmeăm pro chiâng pơtôu ki vâi hriăn pro xêh, ing mê châ hlo hên.

Sap hơnăm 2022 troh nôkố, lâp tung kong pơlê hiăng mơhnhôk kuăn pơlê lăm nâp dêi pháu, trếo pơtôu vâ chê 300 toăng pháu ki pro xêh tŭm túa, 4 toăng pháu ki hmâ xúa, 1 toăng pháu pơtâp ivá, 1 pŭm gra nât. Pakĭng mê, mâu lêng Kong an ối rup xo 7 tơmeăm ki pro pháu, 200 gram trếo pơtôu, lối 1 rơpâu pŭn răng xái.