A mâu tíu trâm mâ, kuăn pơlê tối tơdroăng ki loi tơngah ƀă pói vâ tung mâu tơdroăng pơkâ pêi tung mơdêk mơnhông cheăng kâ – rêh ối pơlê pơla, troăng tơkâ hluâ pá puât xua liăn chu rơpâ yă cheăng kâ dêi Chin phuh, dêi Kuô̆k hô̆i tung mâu hneăng hôp hiăng hluâ.

Tơdrêng amê, pơtối pâ thế hên tơdroăng tơdjâk troh tơdroăng pơkuâ tơnêi têa tung mâu kơvâ cheăng. Teăng mâ mâu tíu cheăng, kơvâ cheăng, khu râ kăn pơkuâ mâu tơring dêi kong pơlê Lâm Đồng hiăng chôa ‘lâng tiâ tối mâu tơdroăng xiâm, kơvâ ki kuăn pơlê rơhêng vâ ‘nâi plĕng. Khu râ kăn teăng mâ Kuô̆k hô̆i kong pơlê Lâm Đồng xuân mơnhên, tơkŭm tâi tâng mâu rơkong pâ thế vâ pơkâ mâu kơ koan cheăng séa ngăn, tơleăng, pro tơniăn tung la ngiâ.