Hdrối mê, hâi apoăng leh pơcháu tơdah lêng hiăng tơkŭm po a 30 kong pơlê, pơlê kong kơdrâm tung lâp tơnêi têa, dâng chât rơpâu droh rơtăm hiăng lăm pro lêng, tơniăn tŭm kơxô̆ ngế, dâi lĕm, tơkŭm prôk pro lêng a mâu đông lêng tro hâi khế, tơniăn păng ‘nâng.

Hơnăm kố lâp pơlê kong kân Hà Nội ai 1.471 kuăn pơlê chêh đơn pâ mot pro lêng. Đăi tă Đào Văn Nhận, Kăn phŏ pơkuâ lêng hlối pro Kăn tơbleăng tơdroăng kal Khu xiâm pơkuâ lêng pơlê kong xiâm Hà Nội tối ăm ‘nâi 8 chôu kơxo, leh pơcháu tơdah lêng rơtế tơkŭm po a 30 pơlê kân, tơring dêi pơlê kong kân Hà Nội. Nôkố 3.700 ngế kuăn pơlê mot pro mô đô̆i ƀă 794 ngế kuăn pơlê lăm pro Kŏng an kuăn pơlê hiăng hbrâ lăm troh a mâu tíu cheăng.

A Thanh Hóa, mơhé kong hngíu ƀă ai mêi iâ laga xuân ôh tá tơdjâk troh tơdroăng ki kơdrâm phiu ro, hiâm mơno tơniăn lĕm dêi lối 3.650 ngế lêng. Mâu kong pơlê hiăng hbrâ nhên mâu tơmeăm ki kal vâ roh leh châ tơkŭm po kơdrâm phiu ro, chiân mâu lêng nếo lăm pêi hnoăng cheăng.