Tơpui a leh tơbâ, pôa Trần Hồng Hà, Ngế pro xiâm phŏ hnê ngăn tơnêi têa tối nhên: Tung rôh mơjiâng, Nha Trang kal mơ-eăm vâ xúa mơdêk ki tơƀrê khât mâu troăng hơlâ tơƀrê, troăng hơlâ pơkâ xiâm ‘na tơnêi tơníu, liăn ngân hiăng châ Kuô̆k hô̆i tơbleăng; Mơnhên mơjiâng kơphô̆ cho tơdroăng ki kal pơkuâ djâ, pro chiâng ivá tơdjâk tung mơnhông cheăng kâ rêh ối pơlê pơla, mơdêk túa pơkâ pơkuâ ngăn rơkê tung pơkuâ ngăn ƀă mơjiâng bro hngêi trăng, troăng klông kih thuât kơphô̆ ƀă mơnhông bro hngêi trăng troăng klông.

Pôa Trần Hồng Hà, Ngế pro xiâm phŏ hnê ngăn tơnêi têa pơkâ thế pơlê kong kơdrâm Nha Trang, kong pơlê Khánh Hòa djâ troăng ahdrối mơnhông tơƀrê tung hơ’lêh kơxô̆, mơjiâng môi kơphô̆ rơkê.