Mâu hok tro kô pro ƀai tơ’noăng tung 2 hâi lơ 27 ƀă 28/6 ai 3 ƀai tơ’noăng krê Toăn, Ngưh văn, Nâl kong têa ê ƀă ƀai tơ’noăng tôh hơp Khoa hok tư̆ nhiên, lơ Khoa hok xah hô̆i.

Tiô pôa Huỳnh Văn Chương, Kăn pơkuâ Kơ koan xiâm séa mơnhên ki dâi lĕm, Khu xiâm pơkuâ hnê hriâm ƀă Hnê mơjiâng tuăn ngôa rơkê, Kăn phŏ pơkuâ Khu hnê mơhno má môi ối tung Khu hnê mơhno râ tơnêi têa Hneăng tơ’noăng mơgêi râ má pái phôh thong hơnăm 2024, rêm tơdroăng hbrâ ‘na kế tơmeăm khoăng, mơngế kum ăm hneăng tơ’noăng hiăng châ mâu kong pơlê pêi kêi đeăng, vâ chê 2.300 tíu tơ’noăng hiăng hbrâ tơdah hok tro troh pro mơ-éa veăng tơ’noăng.

Hneăng tơ’noăng râ má pái phôh thong 2024 cho hneăng tơ’noăng ki kơnâ má môi drêng cho hơnăm má mơ’nui rơtế hriâm ƀă tơ’noăng tiô Tơdroăng hnê hriâm phôh thong hơnăm 2006.