Pôa Lê Hải Bình, Ngế cheăng tung khu ki hbrâ dêi Tíu xiâm Đảng, Ngế xiâm rah chêh hlá tơbeăng kŏng sản, Ngế phŏ pơkuâ khu kăn lăm séa ngăn tối nhên hnoăng cheăng pêi ki kal ‘na tơdroăng kring vế kal kí tung khu kăn tung pơla mơjiâng ƀă mơnhông cheăng Đảng. Tơdroăng Khu kăn lăm séa ngăn tơdroăng cheăng kring vế xiâm ‘na tơdroăng kal kí tung khu kăn a mâu kăn Đảng kong pơlê Dak Lak cho tơdroăng cheăng pêi đi đo dêi Đảng.
Ing mê vâ ‘nâi tối tơdroăng hiăng châ pêi pro, mâu tơdroăng ki pá, ôh tá tro, ki tơ’lêi, ki xơpá, xiâm mâu tơdroăng hlo pêi, ki tơngôu, ki rĕng tơmâng, hrá tơmâng tung hnoăng cheăng hnê mơhno, hnê ƀă tơkŭm pêi a rêm râ ủy, tơkŭm cheăng đảng dêi râ xiâm tơnêi têa. Pakĭng mê, tơbleăng séa ngăn vâ pơtối hnê, tơbleăng pêi tro tâ mâu tơdroăng kal tung khu kăn a kong pơlê, kơ koan, khu tơrŭm cheăng tung la ngiâ.
Viết bình luận