Kơpong tơ’noăng mê cho 10 to kong pơlê (Dak Lak, Dak Nông, Lâm Đồng, Gia Lai, Kon Tum, Phú Yên, Khánh Hoà, Bình Định, Quảng Nam, Quảng Ngãi). Tung hơnăm 2022, ki tâk ‘na cheăng kâ dêi mâu kong pơlê tung kơpong xuân hên tâ tâng vâ pơchông ƀă hơnăm 2021, ki tơƀrê tâ cho kong pơlê Khánh Hòa tâk lối 22%, Lâm Đồng tâk lối 12%, Quảng Nam tâk lối 11%... Xo liăn ngân ăm tơnêi têa tâng riân mâu kong pơlê xuân châ hên ƀă luâ pơcháu.

Tơbleăng a hneăng hôp, Thươ̆ng tươ̆ng Trần Quốc Tỏ, Kăn phŏ Khu xiâm Kŏng an, pơkuâ kơpong tơ’noăng dêi mâu kong pơlê Tây Nguyên ƀă Kĭng têa kơxĭ Tơdế tơnêi têa pơkâ thế, mâu kong pơlê tung kơpong tơ’noăng kal tơmâng khât tâ nếo troh tơrŭm cheăng vâ pro ki môi tuăn, dêi rơpó tung mơnhông cheăng kâ kong pơlê.

Kal thế kơhnâ hơ’lêh nếo ‘na tơdroăng pêi pro dêi kơpong tơniăn tơƀrê tâ nếo, kal mơdêk tơrŭm ƀă krá tâ, kơjo kum ƀă veăng kum ‘na tơrŭm hnê ăm dêi rơpó túa cheăng ƀă mơnhông cheăng kâ pơla mâu kong pơlê tung kơpong.