Rôh hôp kố ai tơdroăng ki veăng hôp dêi mâu kăn teăng mâ Vi ƀan hnê ngăn kong pơlê, pơlê kong kân kơpong Pêa hdroh Tơdế tơnêi têaƀă Tây Nguyên; mâu khu ki tối tơbleăng troăng hơlâ hơ’lêh kơxô̆ ƀă lối 30 khu tơrŭm, khu mơdró kâ, khu mơdró kâ tung lâp tơnêi têa Hơnăm 2024 châ Vi ƀan Tơnêi têa ‘na Hơ’lêh kơxô̆ rah xo inâi cho hơnăm “Mơnhông cheăng kâ kơxô̆ ƀă 4 tơdroăng ki xâm kơmăi kơmok kong ngê̆ thong tin, hơ’lêh kơxô̆ mâu kơvâ cheăng kâ, pơkuâ ngăn, ‘măn rak mâu tơdroăng kal –Ivá ki kal ăm mơnhông cheăng kâ rêh ối pơlê pơlâ rĕng ƀă krá tơniăn”.

A rôh hôp, teăng mâ mâu khu kơvâ cheăng cheăng, kong pơlê, khu ki rơkê ƀă khu mơdró kâ tối hên túa pơkâ ki tro ‘ló ‘na hơ’lêh kơxô̆, um kơchuâ ‘na cheăng kâ kơxô̆ a Việt Nam, troăng tŏng kum, troăng mơdêk cheăng kâ kơxô̆; mâu troăng pơkâ tơmiât ‘na hơ’lêh kơxô̆ tung pêi chiâk deăng – kơvâ cheăng kâ xâm dêi kơpong; hnoăng cheăng dêi hlá mơ-éa ‘măn rak mâu kơvâ cheăng kâ xuân môi tiah mâu troăng hơlâ hơ’lêh kơxô̆ tung pêi chiâk deăng.