Tung pơla hdrối kố nah, mơhé mâu tíu pêi cheăng khu râ pơkuâ cheăng hiăng mơgât, la kơxô̆ mơngế pak chik ma tŭi ôh tá kơdroh hlo thăm rế hên nếo ƀă hên tơdroăng ki ôh tá tơniăn. Xiâm mê cho kuăn pơlê oh tá hlê, malối ƀă mâu hơnăm ối nếo ôh tá hlê ki tơdjâk ‘mêi dêi ma tŭi.

Tơbleăng a leh kĭ, Ngế pro xiâm phŏ ngăn hnê hriâm ƀă hnê mơjiâng tuăn ngôa rơkê Ngô Thị Minh tối nhên: tơdroăng pêi tro mâu tơdroăng hnê tối, hnê plâ mơdât mâu ki pro xôi, pro pơlăm pơlối, ƀă pro xôi luât, malối tơdroăng hbrâ mơdât ma tŭi tung hngêi trung kô ôh tá xê to vâ hnê to a mâu thái cô, ƀă hok tro, sinh viên, mê ối vâ hnê troh lâp lu ăm rêm ngế ‘nâi.