Tiô tối tơbleăng, mơhé tro tơdjâk dêi pơreăng Covid-19 la mâu khu mơdró hiăng hbrâ pêi  troăng pêi cheăng tê mơdró , xúa khoa hok kŏng nghĕ vâ mơdêk pêi tơƀrê , lĕm mâu tơmeăm vâ châ tơbriêt tê  dêi khu mơdró.

Mâu tíu pêi cheăng, kong pơlê tơkŭm po hên tơdroăng, po kơchô môi tiah măng tĭng tơbleăng tơmeăm Việt Nam, tăng troăng ‘na tê mơdró, tíu tê tơmeăm OCOP, tíu tê tơmeăm Việt Nam ai inâi, ‘’ Hâk tơngăm tơmeăm Việt Nam, ki lĕm dêi tơmeăm Việt Nam’’... Hơnăm 2023, Khu hnê mơhno cheăng Xiâm tơnêi têa mơhnhôk pêi pro tiô pơkâ mơdêk hnoăng cheăng dêi mâu kơ koan tung khu cheăng kal kí tung tơdroăng tơbleăng Mơhnhôk,  mơdêk tơrŭm  hnê tối, séa ngăn mâu luât pơkâ kơjo kum khu mơdró, mâu tíu mơjiâng pro tê mơdró, tơkŭm po mâu tơdroăng khê̆n kơdeăn khu mơdró, rah xo tơmeăm ki pro lĕm, mơdêk mâu tơdroăng cheăng séa ngăn, tí tăng mâu tí vâ rôe tơmeăm ƀă mơdêk kring vế hnoăng ki pơxúa dêi mơngế ki rôe.