Ngế pơkuâ Học viện chính trị Kuô̆k ya Hồ Chí Minh, Kăn xiâm hnê ngăn Hô̆i  Hô̆i đong tơpui kâ xiâm tơnêi têa - pôa Nguyễn Xuân Thắng hiăng tơdah kăn phŏ hnê ngăn Khu kăn cheăng xiâm tơnêi têa, Ngế pơkuâ khu kăn lâp kong têa dêi Đảng Kŏng sản Nhuk. A rôh tơdah, pôa Nguyễn Xuân Thắng hiăng tơpui tơno ‘na mâu troăng rơhlâ tung mơjiâng chuh nghiah xah hô̆i a Việt Nam; tối nhên luât pơkâ tơpui tơno cho xiâm ki kal tung tơrŭm pơla péa Đảng; pơkâ thế péa Đảng mơdêk tơrŭm, veăng ‘no hnoăng pro hên hân tơdroăng tơrŭm cheăng trâu rơdâ pơla Việt Nam ƀă Nhuk xua vâ pro hơniâp lĕm tơniăn a châu Á.

Péa pâ tơpui mâu troăng rơhlâ tơrŭm cheăng tung la ngiâ, tung mê môi tuăn pơtối rak vế tơpui tơno, trâm mâ mâu kăn xiâm; mơdêk tối ăm dêi rơpó ‘nâi mâu tơdroăng, hnê ăm dêi rơpó mâu túa cheăng ‘na mơjiâng Đảng, tơpui kâ ƀă tơdroăng mơjiâng chuh nghiah xah hô̆i, tung mê ai pơtối rak vế pêi pro tơƀrê luât tơpui tơno pơla péa Đảng; tối ăm ‘nâi mâu tơdroăng hlối tơrŭm krá a mâu hneăng hôp lâp plâi tơnêi, tung kơpong.