Ngế pơkuâ hnê mơhnhôk cheăng xiâm Bùi Thị Minh Hoài lăm pôu hlối hbru tơmeăm ăm kŏng nhân pêi cheăng a Dak Lak
Thứ năm, 10:00, 25/01/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 24/1, Khu kăn dêi Tíu xiâm xua jâ Bùi Thị Minh Hoài, Kăn hnê ngăn Tíu xiâm Đảng, Ngế pơkuâ hnê mơhnhôk cheăng xiâm pro ngế pơkuâ djâ khu kăn hiăng lăm pôu hlối hbru tơmeăm ăm kŏng nhân ki pêi cheăng tung kong pơlê Dak Lak drêng troh Têt Lo hơnăm nếo Giáp Thìn 2024.
A tơdroăng ki mê, Khu kăn hiăng hbru 250 kơxu tơmeăm, kơnâ 1 rơtuh 300 rơpâu liăn/hnoăng ăm đoân viên, mơngế pêi cheăng kơtiê xơpá tung kong pơlê. Tối tơbleăng a tơdroăng, jâ Bùi Thị Minh Hoài tối nhên, Dak Lak cho kong pơlê ki ối tơdế kơpong Tây Nguyên, mâu khu mơdró tung kong pơlê ki hên cho khu mơdró ki krâ kơvâ ƀă kŭn, xua mê, tơdroăng tơmâng tŏng kum ăm mơngế pêi cheăng cho kal păng ‘nâng dêi rêm râ, mâu kơvâ cheăng.
Tung la ngiâ, mâu khu râ kăn mâu kăn dêi kong pơlê Dak Lak kal pơkâ mâu troăng rơhlâ ai pơxúa khât vâ pêi tro tâ nếo tơdroăng tơmâng tŏng kum tơdroăng rêh ối ăm mơngế pêi cheăng, tơniăn rêh ối pơlê pơla, xăm kơtiê krá tơniăn.
Viết bình luận