Tung mê, mâu hngêi pơkeăng khăm pơlât râ kơpong, kong pơlê ƀă mâu tíu ki ối tung tơdroăng khăm pơlât, ‘mâi rơnêu mâu kơvâ; séa ngăn y khoa, séa ngăn luât khăm pơlât ƀă séa ngăn tơdroăng khăm pơlât ‘na troăng kơxái hveăn tâm thần; khăm pơlât hbrâ mơdât, khăm pơlât tơdjuôm; séa ngăn, pơkâ ngăn tro ‘na pơkeăng, phom kơlôn, kế kâ, vaccine ƀă kế tơmeăm xúa tung khăm pơlât, mơjiâng bro pơkeăng, vaccine, têa pơkeăng ƀă kế tơmeăm xúa tung khăm pơlât; séa ngăn ‘na kơvâ pơ’leăng mâ mơngế - ivá rơnêh kuăn.

Pơkâ tơdroăng cheăng châ tơdroăng ki kơdo mơ-eăm troh a hơnăm 2025 châ 33 to xoăng koi pơlât lối 10 rơpâu pơ’leăng mâ mơngế, 15 ngế ƀok thái pơkeăng khăm ngăn tung lối 10 rơpâu pơ’leăng mâ mơngế; 3,4 ngế cheăng tê pơkeăng ăm lối 10 rơpâu pơ’leăng mâ mơngế ƀă 25 ngế pâk pơkeăng ăm lối 10 rơpâu pơ’leăng mâ mơngế.

Hnoăng pêi troh a hơnăm 2050, mơjiâng bro mâu tíu khăm pơlât ki rơkê plĕng tơxâng ƀă tíu khăm pơlât kong têa ê. Mơjiâng kơvâ kơmăi kơmok pro pơkeăng tung tơnêi têa chiâng tíu xiâm pro pơkeăng ki kơnía git. Mơ-eăm pêi châ 45 to xoăng koi lối 10 rơpâu ngế pơ’leăng mâ mơngế, 35 ngế ƀok thái pơkeăng lối 10 rơpâu pơ’leăng mâ mơngế; 4,5 ngế tê pơkeăng ăm lối 10 rơpâu pơ’leăng mâ mơngế, 90 ngế pâk pơkeăng ăm lối 10 rơpâu pơ’leăng mâ mơngế; kơxô̆ xoăng koi pơlât krê châ 25% tung tâi tâng mâu xoăng koi pơlât.