Tiô tối hdrối hâi lơ 25/3, drêng troh leh tơbâ Hâi mơjiâng Đoân Droh rơtăm Kŏng sản Hồ Chí Minh (26/03/1931 - 26/03/2024), pôa  kô trâm mâ tơpui tơno ƀă mâu vâi droh rơtăm ƀă tơdroăng pơxá: “Pơtối pêi pro tơdroăng prôk ahdrối khên tơnôu dêi droh rơtăm tung tơdroăng pơ’lêh kơxô̆ tơnêi têa”.

Châ tơkŭm po hôp tơpui a ngiâ, Tơdroăng Ngế pro xiâm hnê ngăn Chin phuh trâm mâ hlối tơpui ƀă mâu droh rơtăm hơnăm 2024 cho tơdroăng pêi pro tiô Luât Droh rơtăm hơnăm 2020; hlối hnê lâp lu troh mâu droh rơtăm ‘na mâu troăng rơhlâ, luât pơkâ dêi Tơnêi têa ‘na pơ’lêh kơxô̆ tơnêi têa; pơtối rak hnoăng cheăng pêi dêi droh rơtăm tung tơdroăng pơ’lêh kơxô̆ tơnêi têa. Rôh kố, Ngế pro xiâm hnê ngăn Chin phuh xuân trâm mâ, khĕn kơdeăn 10 ngế hơnăm ối nếo Việt Nam kơhnâ rơkê ƀă 10 ngế hơnăm ối nếo Việt Nam ki tơngah mơnhông tơƀrê tung hơnăm 2023.