A roh lăm pôu pêi cheăng kố, Ngế pro xiâm hnê ngăn Chin phuh Phạm Minh Chính kô ai mâu roh tơpui tơno, trâm mâ ƀă khu râ kăn xiâm Hungary; lăm pôu mâu tíu cheăng kâ – rêh ối pơlê pơla dêi Hungary; veăng mâu hneăng hôp tơpui tơno khu tê mơdró Việt Nam – Hungary; trâm mâ khu râ kăn pơkuâ mâu khu tơrŭm cheăng nhŏng o ƀă trâm mâ kăn ƀô̆, nhân viên Kơ koan teăng mâ ƀă teăng mâ mơngế Việt Nam a Hungary.

Roh lăm pôu pêi cheăng kong têa Hungary dêi Ngế pro xiâm hnê ngăn Chin phuh kô kum kô kum mơdêk tâ mê nếo tơdroăng loi tơngah kal kí, thăm rơdêi tâ mê ƀă châ tơƀrê tâ mê tơrŭm cheăng tiô khôi vâi krâ nah, thăm tŏng kum dêi pó pơla Việt Nam ƀă Hungary; mơdêk ƀă djâ mâu kơvâ tơrŭm cheăng tiô khôi vâi krâ nah troh môi hneăng nếo, tơxâng pơkâ mơnhông dêi tơnêi têa; mơdêk tơrŭm cheăng tung mâu kơvâ ki ai ivá mơnhông, rơdêi; krá tơniăn tâ tơrŭm cheăng nhŏng o pơla kuăn pơlê Việt Nam ƀă kuăn pơlê Hungary.