Roh hôp tơkŭm tơpui tơno ‘na tơdroăng cheăng kâ – rêh ối pơlê pơla khế 2, 2 khế apoăng hơnăm; 3 Tơdroăng pơkâ pêi plah tơnêi têa, mơ’no liăn cheăng tơnêi têa; mâu tơdroăng ki xiâm hnê mơhno tung khế 3 ƀă tung la ngiâ. Ngế pro xiâm hnê ngăn tơnêi têa xuân pơkâ mơnhên tơdroăng cheăng kâ kân, mâu tơdroăng tơdjâk liăn chu rơpâ yă, tơtêk, tơdroăng kân ki ê, ki má lối cho tơniăn tơdâng tơ’mô ƀă tơdroăng kân; mơnhên tơdroăng tíu pêi cheăng klêi kơ’nâi Têt; tơdroăng tơdjâk troh tơdroăng rêh ối pơlê pơla, tơniăn kal kí, tơniăn lâp pơlê pơla, tơdjâk troh tơkăng kong, rơlố, tơdroăng ki tơdjâk, hbrâ mơdât kâ kơhveăm liăn ngân, tơdroăng ki ôh tá lĕm tro; tơdroăng mơjiâng mâu khu tơrŭm Đảng, khu râ kăn pơkuâ ƀă hía hé.

Ngế pro xiâm hnê ngăn tơnêi têa tối nhên, khế 3 kố, kal ai troăng tơkŭm vâ pêi rĕng, kum ăm tá plâ hneăng, tơdế apoăng hơnăm 2024, plâ hơnăm 2024, pêi pro ƀlêi trâng hnoăng cheăng plâ hơnăm 2024 ƀă plâ hneăng 5 hơnăm, rế ai tơdroăng pêi cheăng a ngiâ ƀă ton xŏn.