A rôh tơpui tơno, Ngế  pro xiâm hnê ngăn tơnêi têa Phạm Minh Chính tối nhên Việt Nam đi đo ngăn nhoăm hnoăng cheăng, tíu pêi cheăng dêi Alơmăng a kơpong ƀă a kong têa ê.

Vâ thăm mơdêk tơrŭm pơla péa pâ dế mơnhông tơniăn lĕm, péa ngế kăn pơkuâ hiăng môi tuăn thăm mơdêk pơtroh mâu khu râ kăn troh a tơnêi têa dêi rơpó, malối cho mâu kăn xiâm pơkuâ; pơtối tơrŭm, môi tuăn tŏng kum dêi rơpó a mâu hneăng hôp; malối cho thăm mơdêk mơhnhôk khu mơdró kâ Alơmăng ‘no liăn pêi cheăng a Việt Nam, malối cho tung mâu kơvâ cheăng ki Alơmăng ai rơdêi môi tiah on tơhrik, troăng rơxế lơ treng, kế tơmeăm xúa tung khăm pơlât, pơkeăng, hngêi trăng, troăng klông.

Péa ngế kăn xiâm pơkuâ môi tuăn mơdêk tơrŭm hnê cheăng, mơnhông mâu ngế pêi cheăng rơkê, thăm mơdêk mơjiâng mâu troăng hơlâ tŏng kum, mâu rôh tơrŭm cheăng tung kơvâ hnê cheăng pêi.