A roh tơpui tơno Ngế pro xiâm hnê ngăn tơnêi têa pơkâ thế mâu Grup pơkuâ, khu tê mơdró mơjiâng mâu tíu hnê mơjiâng tuăn ngôa rơkê, tíu xiâm hriăn plĕng ƀă mơnhông, pro, séa mơnhên ngăn kế ki chiâng hrik mơ’no hyôh a Tíu xiâm pơhlêh nếo tơmiât pêi rơkê Tơnêi têa (NIC) ƀă mâu tíu pêi ki tơtro dêi Việt Nam; Thăm tơrŭm, hnê kŏng ngê̆; Tŏng kum hnê mơjiâng mơngế pêi cheăng ki rơkê, ki má lối cho ivá pơkuâ, kih sư, hriăn plĕng khoa hok tung kơvâ kế ki chiâng hrik mơ’no hyôh; Tơdjêp, kok tơmeăm mâu khu tê mơdró ki ai ivá dêi Việt Nam vâ pro, mơjiâng mâu tơmeăm ki chiâng hrik mơ’no hyôh; Hriăn plĕng ivá ‘măn hngêi kơmăi mơjiâng pro kế ki chiâng hrik mơ’no hyôh a Việt Nam.

Ngế pro xiâm hnê ngăn tơnêi têa tối nhên, Việt Nam ai hên tơmeăm ki vâ pro, ki tơ’lêi vâ mơnhông kŏng ngê̆ rơxông nếo, xúa khoa hok kŏng ngê̆ ƀă pơhlêh nếo tơmiât pêi rơkê.