Kơxo hâi lơ 13/4, a tíu pêi cheăng Chin phuh, pôa Phạm Minh Chính - Ngế pro xiâm hnê ngăn tơnêi têa pơkuâ Hôp tơpui ‘na pêi cheăng kâ, pêi pro tơmeăm, tê loăng ăm kong têa ê. Tơbleăng a rôh Hôp, Ngế pro xiâm hnê ngăn tơnêi têa tối nhên, ƀă tơdroăng rơtế ƀă khu mơdró, tăng mâu troăng rơhlâ ki tro, túa pêi cheăng ki nếo, achê ƀă kơchơ tê mơdró tung tơnêi têa, kơpong ƀă lâp plâi tơnêi vâ kơjo kum khu mơdró tơkâ luâ xơpá, pơloăng mơnúa, mơnhông pêi chiâk, pêi pro tơmeăm, uâ mơdiê pro tơmeăm, tê loăng ăm kong têa ê mơnhông krá ton, tơniăn ăm mơngế rôe xúa tung tơnêi têa ƀă djâ ki pơxúa tê ăm kong ê: mâu loăng hơnăm 2023 châ 17,5 rơtal dollars ƀă ká xi xŏng châ 10 rơtal dollars.

Ngế pro xiâm hnê ngăn tơnêi têa pơkâ thế hneăng hôp tơkŭm tơpui, tối nhên tŭm tơdroăng, tối tro mâu tơdroăng xơpá, tơvâ tơvân ki tơdjâk troh pêi pro, uâ pro ƀă tê mâu tơmeăm ki pro ing loăng ƀă ká xi xŏng, malối tơdjâk troh mơdêk pêi lo tơmeăm tê ăm kong têa ê. Hneăng hôp xuân tối mâu tơdroăng cheăng hmâ pêi ƀai hriâm dêi mâu kơvâ cheăng, khu mơdró, tơdroăng pêi pro ki tro kal châ po rơdâ tung la ngiâ.