Tơdroăng tơkêa bro ai tơnêi rơdâ 1.250 ha, drêng hiăng pro klêi ah kô pro pơ’lêh  pơ’lêh pơlê kong kơdrâm Cam Ranh. Tơdroăng tơkêa pro kơphô̆ kĭng kung king têa kơxĭ  Cam Ranh, kong pơlê Khánh Hòa rơdâ 1.254 ha, lối 230 rơpâu ngế, ối tung 10 to cheăm, bêng a kĭng kung king Cam Ranh.

Tơdroăng tơkêa bro ai 8.500 toăng hngêi achê dêi rơpó, lối 10 rơpâu hngêi túa ki lê̆m kơnâ, vâ chê 20 rơpâu toăng hngêi ối dêi pơlê pơla. Tâi tâng kơxô̆ liăn ‘no mơjiâng pro lối 85.000 rơtal liăn, hâi riên kơxô̆ liăn chêl thiăn, kơjo kum pro pơlê nếo. Tơdroăng mơjiâng pro sap hơnăm 2023 -2027. Tiô pơkâ  tơdroăng tơkêa bro mơjiâng kơphô̆ ki nếo tơ dâng, mê cho kơpong hngêi ối, tơmeăm khoăng drô troăng, hngêi trung, hngêi pơkeăng, kơchô kŭn, kơchô kân, hngêi pơtê ối, plong xah golf, kŏng viên chuyên đề. Tơdroăng tơkêa bro mê pro klêi kô veăng djâ tơnêi ki ‘măn lôi a kơpong kố pơxiâm pêi cheăng ai pơxúa, mơnhông cheăng kâ-rêh ối kơpong kung king Cam Ranh mơnhông tơtêk.