Tơbleăng a hneăng hôp, Ngế pro xiâm hnê ngăn tơnêi têa Phạm Minh Chính hâk mơnê Australia tơbleăng tơ’nôm 222,5 rơtuh dollars Australia ăm tơrŭm cheăng ƀă mâu kong têa kơpong Mekong, mơjiâng liăn ‘măn kơdĭng vâ ‘no pêi cheăng kơnâ 2 rơtal dollars Australia ƀă mâu tơdroăng hriĕn plĕng tơdroăng nếo ki ê vâ mơnhông tê mơdró ƀă ‘no liăn cheăng  a mâu kong têa ASEAN tung la ngiâ.

Tơpui ‘na mâu troăng mơnhông tơrŭm cheăng tung la ngiâ, péa pâ vâ môi tuăn kal mơ-eăm pơ’lêh rơdêi tung tơrŭm cheăng kâ, malối cho tê mơdró ƀă ‘no liăn cheăng ing tơdroăng tơbleăng pêi tơƀrê tơdroăng kĭ tơhrâ tê mơdró tơniăn pơla ASEAN - Australia-New Zealand nếo châ mơnhông tâ ƀă Kĭ tơhrâ tơrŭm cheăng kâ tung tŭm tơdroăng  tung kơpong (RCEP); hlối mơnhông tơrŭm tung mâu kơvâ cheăng ki nếo hơ’lêh nếo hriĕn plĕng tơdroăng ki nếo, cheăng kâ kơxô̆, pơ’lêh ngiât, pơ’lêh on tơhrik, tê mơdró ƀă điê̆n tưh, tơdjêp ƀă, mơnhông djâ mâu tơdroăng cheăng tơrŭm mê chiâng mâu tơdroăng mơdêk ki nếo ăm tơrŭm cheăng kâ pơla péa pâ.