Teăng mâ Chin phuh, Khu hnê mơhno cheăng tơnêi têa, Ngế pro xiâm hnê ngăn tơnêi têa khĕn kơdeăn ki kơdôu mơ-eăm dêi kơvâ ngăn troăng pởôk, mâu kih sư, kŏng nhân, mơngế pêi cheăng ‘na pro troăng prôk hiăng rơtế ƀă dêi rơpó mơjiâng pro mâu  troăng prôk lĕm.

Ngế pro xiâm hnê ngăn pơkâ thế Khu xiâm ngăn troăng prôk rơxế kơtâu tơbleăng nhên tơdroăng hiăng pê klêi, tối mâu tơdroăng ki hâi pê klêi, mâu tơdroăng ối tơvâ tơvân, ki xơpá, tơdroăng vâ tơbleăng pêi tung la ngiâ. Mâu kong pơlê tơkŭm tơmâng tối tơbleăng ‘na tơdroăng mơnhên klêi mâu tơdroăng ki ối tơvâ tơvân, mê cho:  ‘na pro hlá mơ-éa xo mâu tơmeăm vâ mơjiâng pro mâu tơdroăng tơkêa bro, tơdroăng pơcháu tíu pro; tơdroăng hbrâ liăn ‘no mơjiâng pro môi tiah mâu tơdroăng tơkêa bro troăng kân tơdrăng lĕm Pơlê kong kân Hồ Chí Minh - Mộc Bài, Gia Nghiã - Chơn Thành, Hữu Nghị- Chi Lăng, Hòa Bình - Mộc Châu, Tân Phú troh - Bảo Lộc, An Hữu troh - Cao Lãnh.