Mê cho, “5 tâ”  cho: Tâk tơdroăng châ pêi ƀă châ tăng tơ’mot liăn vâ mung, malối cho khu mơdró krâ kơvâ ƀă kŭn; tâk ivá cheăng tiô hmâ; tơƀrê tro tiô pơkâ; tâk ki tơƀrê tung mung liăn; tâk ki tơrŭm ƀă hngêi rak liăn, khu mơdró; tâk hnoăng cheăng rak ngăn, pơkuâ: tơbleăng tối tro tơdrăng, liăn rơkâ tăng mơhnhôk, ăm mung ƀă pôi tá ai tơdroăng mung liăn ki tơvêh rơkâ hên; mơdêk séa ngăn, tăng ngăn, hbrâ mơdât lơ trâm xía vâ ôh tá mơhúa, mơdât kâ kơluâ pro ôh tá tro.

“5 kơdroh” mê cho: kơdroh liăn tơkâ ăm mung; kơdroh kơxô̆ liăn nâp drêng pro hlá mơ-éa mung; kơdroh liăn nâp pro hlá mơ-éa; kơdroh liăn nâp ki kố ki mế ăm kuăn pơlê; kơdroh tơdroăng tơmiât pro ôh tá tro, ki pơxúa ăm tung khu pêi cheăng dêi hngêi rak liăn. “5 tâk tơƀrê” mê ai: Tâk tơƀrê ‘na kơxô̆; tâk tơƀrê ‘na tơdroăng cheăng mơdró kâ; tâk tơƀrê ‘na ki rơkê pêi cheăng dêi mâu ngế; tâk tơƀrê ‘na tơmeăm khoăng hngêi rak liăn; tâk tơƀrê ‘na tơdroăng pêi chiâk deăng pro tơmeăm khoăng, tê mơdró, kum kuăn pơlê ai cheăng pêi, tơdroăng cheăng kâ dêi kuăn pơlê, veăng ‘no hnoăng mơnhông tơƀrê.