Ngế pro xiâm hnê ngăn tơnêi têa chu a klâng pêt báu rơtế kuăn pơlê pêi chiâk deăng
Thứ sáu, 14:34, 16/02/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Kơxê lơ 15/2, tung hâi apoăng lăm pêi cheăng klêi kơ’nâi hneăng pơtê Têt, Ngế pro xiâm hnê ngăn tơnêi têa Phạm Minh Chính hiăng lăm pôu, mơhnhôk kuăn pơlê pêi chiâk deăng a kong pơlê Hải Dương.
Chu a klâng mơhnhôk kuăn pơlê pêi chiâk deăng rơnó Xeăng Tô a cheăm Hưng Long, tơring Ninh Giang, Ngế pro xiâm hnê ngăn tơnêi têa hiăng lăm pôu kơpong mơdâ hdrê ƀăng klâng ki pêt ƀă kơmăi. Klêi kơ’nâi tơmâng tơbleăng ‘na tơdroăng pêt mơjiâng báu rơnó Xeăng Tô hơnăm 2024 ƀă tơdroăng xúa kơmăi kơmok tung pêt báu, troăng pêi xúa kơmăi kơmok tung pêi báu a Hải Dương, Ngế pro xiâm hnê ngăn tơnêi têa ‘nân a rơxế ki pêt báu hlối vê pêt báu tung klâng.
Pơtối mê, Ngế pro xiâm hnê ngăn tơnêi têa ƀă khu râ kăn pêi cheăng lăm pôu kơpong pêt pôm ka-rôt ƀă pôe ché rơkâu tê ngi kong têa ê tơmeăm ka-rôt apoăng rơnó Hơngui Giáp Thìn a cheăm Đức Chính, tơring Cẩm Giàng.
Viết bình luận