A rôh hôp tơpui tơno, péa ngế Kăn pơkuâ vâ môi tuăn tung tơdroăng cheăng vâ chê 75 hơnăm tơrŭm cheăng tiô hmâ sap ing ton nah, péa tơnêi têa kal tơrŭm krá tâ nếo tung tŭm tơdroăng cheăng, vâ mơdêk tơrŭm tiô hmâ sap ton nah dêi péa tơnêi têa rế xông tơƀrê nếo tung la ngiâ.

‘Na tơrŭm cheăng kâ - Tê mơdró  - ‘No liăn cheăng, péa Ngế pro xiâm hnê ngăn tơnêi têa tối kố cho xiâm ki kal tung tơrŭm cheăng péa pâ; môi tuăn mơnhông cheăng kâ - tê mơdró - ‘no liăn cheăng tơxâng ƀă tơdroăng tơrŭm kal kí, pơtối rak vế tâ nếo mâu luât pơkâ tơrŭm cheăng ki hiăng ai hlâu.

Ngế pro xiâm hnê ngăn tơnêi têa Phạm Minh Chính tối Việt Nam vâ ‘no hnoăng cheăng xiâm tơdah a hơlâ troăng vâ mâu tơmeăm khoăng dêi Romania châ tê a Việt Nam ƀă ASEAN. Péa pâ xuân vâ môi tuăn mơdêk tơrŭm tơƀrê tung mâu kơvâ cheăng tiah hmâ hnê hriâm - hnê mơjiâng tuăn ngôa rơkê, khoa hok - kơmăi kơmok, kring tơniăn - cheăng lêng, túa lĕm tro, tơ’noăng ivá, ôm hyô, pêi cheăng, ‘na pơlât- pơkeăng  pơlât pakĭng mê hlối mơdêk po rơdâ tơrŭm tung mâu tơdroăng cheăng ki nếo mê cho kŏng ngê̆ thŏng tin, hơ’lêh nếo tung hriăn plĕng mâu tơdroăng cheăng, pơ’lêh kơxô̆, pơ’lêh ngiêt krúa ‘na cheăng kâ ƀă hên ki ê.

Klêi tơpui tơno, péa Ngế pro xiâm hnê ngăn tơnêi têa hiăng hlê ƀă mâ Leh kĭ tơhrâ tung 19 tơdroăng tơrŭm cheăng pơla mâu khu xiâm, kơvâ cheăng, kong pơlê dêi péa tơnêi têa tung mâu kơvâ cheăng kâ - túa lĕm tro, pêi cheăng ƀă hnê hriâm hnê mơjiâng tuăn ngôa rơkê.