Ƀă tơdroăng pơxá “Pơtối rak vế hnoăng cheăng djâ troăng ahdrối dêi mâu droh rơtăm tung pơ’lêh kơxô̆ dêi tơnêi têa”, tơdroăng hôp tơpui tơno tơdrêng dêi pôa Phạm Minh Chính - Ngế pro xiâm hnê ngăn tơnêi têa ƀă mâu droh rơtăm kô po  hâi lơ 25/3 rơtâ tá troăng rơhlâ, luât pơkâ tŏng kum nôkố dêi Tơnêi têa ƀă tơdroăng pơ’lêh kơxô̆ dêi tơnêi têa. 

Tơdroăng po hôp tơpui tơno mê tơpui troh luât pơkâ cheăng, luât tŏng kum, mơngế pêi cheăng ăm tơnêi têa tung tơdroăng veăng kơjo kum, pơtối rak vế pêi pro hnoăng cheăng dêi mâu droh rơtăm tung pêi pro tiô mâu pơkâ dêi tơnêi têa, khĕn kơdeăn ki veăng ‘no hnoăng mơjiâng, hnoăng ki pleăng dêi droh rơtăm kơhnâ rơkê tung mơnhông tơƀrê - cheăng kâ-rêh ối, mơjiâng ƀă kring vế tơnêi têa. Hlối tơmâng mâu tơdroăng hnê tối, pơkâ thế dêi mâu droh rơtăm ƀă troăng rơhlâ tơleăng mơnhên.