A rôh pêi cheăng, Ngế pro xiâm hnê ngăn tơnêi têa pơkâ thế Kŏng an kong pơlê Phú Thọ pơtối tơmâng ngăn, hnê pêi kơtăng, tơdrêng, vâ pêi tơƀrê troăng rơhlâ, luât dêi Đảng, Tơnêi têa pơkâ ‘na tơdroăng cheăng Kŏng an; tung mê, ai mâu hnoăng cheăng châ pơcháu tơdroăng tơkêa bro 06 ƀă tơdroăng pơkâ dêi Ngế pro xiâm hnê ngăn Chin phuh ‘na tơdroăng pơtối tơbleăng pêi tơdroăng tơkêa bro; rak pêi pro tro tiô hnê mơhno, rak ngăn tơdrêng dêi Khu xiâm pơkuâ Kŏng an.

Ngế pro xiâm hnê ngăn tơnêi têa tối ‘na tơdroăng mơdêk hnê pêi pro tơdroăng tơkêa bro; pêi tro hnoăng cheăng pơkuâ, rak ngăn tơdrêng dêi Khu xiâm pơkuâ Kŏng an. Ngế pro xiâm hnê ngăn tơnêi têa pơkâ thế mâu Kŏng an Phú Thọ pơtối tơmâng pêi pro tro khât tơdroăng mơjiâng Đảng, pơtối rak tâ nếo tơdroăng “xua tơnêi têa piu dêi tơná, xua kuăn pơlê vâ pêi cheăng ăm kuăn pơlê”, “Ối Đảng ối pin”;  “Inâi cho tơdroăng ki tĭng, ki kơnía git má môi”, pê klêi tŭm tơdroăng cheăng Đảng Tơnêi têa ƀă kuăn pơlê pơcháu.