A roh trâm mâ, Ngế pro xiâm hnê ngăn tơnêi têa mơnhên, Việt Nam tơkêa kô rơtế prôk ƀă pro tơ’lêi hlâu tiô pơkâ luât vâ mâu khu tê mơdró kong têa Philippines tơkŭm mơ’no liăn cheăng châ tơƀrê, krá tơniăn, ton xŏn a Việt Nam.

Ngế pro xiâm hnê ngăn Chin phuh pơkâ thế péa pâ kal tơkŭm po hên tâ nếo mâu tơdroăng trâm mâ, tơpui tơno vâ mơdêk tơrŭm cheăng; mơdêk tơdjêp péa tơdroăng cheăng kâ; pêi pro mâu tơdroăng tơpui tơno khu râ kăn xiâm, djâ tơrŭm cheăng ton xŏn Việt Nam – Philippines mot trâu hơhngế, păng ‘nâng, châ tơƀrê tâ; xua pơkâ xiâm khên tơnôu rơdêi, mơnhông dêi rêm kong têa; xua tơdroăng rêh ối hơniâp lĕm, phâi hơtô dêi kuăn pơlê péa tơnêi têa; ƀă xua hơniâp lĕm, tơniăn, tơrŭm ƀă mơnhông tung kơpong ƀă lâp plâi tơnêi.