Tung pơla hdrối kố nah, mâu Kăn sát gak troăng prôk hiăng pêi tro hnoăng cheăng tăng ‘nâi plĕng mơjiâng, pê klêi luât; mâu tơdroăng hnê mơhno ki kal ‘na tơdroăng cheăng kring tơniăn troăng prôk dêi Kăn hnê ngăn Đảng, Chin phuh, Ngế pro xiâm hnê ngăn Chin phuh. Pêi pro tơdroăng cheăng kring tơniăn troăng prôk, djâ mâu kăn Đảng, Tơnêi têa, mâu khu kăn tung tơnêi têa, lâp plâi tơnêi troh lăm pôu pêi cheăng a Việt Nam, tơniăn troăng prôk. Kơhnâ veăng pêi mâu tơdroăng hbrâ ví xía vâ, khía mơhot têa lân lu, tŏng xo mâu hliăng tiâ.

Tối tơbleăng a kố, Ngế pro xiâm hnê ngăn tơnêi têa Phạm Minh Chính pơkâ thế, mâu lêng Kăn sát gak troăng prôk pêi tro hnoăng cheăng tơniăn troăng prôk. Pơtối hơ’lêh nếo mâu troăng rơhlâ tăng séa ngăn, pơxâu phâk mâu ki pro xôi troăng prôk, mơdêk xúa khoa hok kơmăi kơmok vâ séa ngăn châ ‘nâi, pơxâu phak, bro tơniăn, tơdrăng.

Tung rôh Têt hơnăm nếo Giáp Thìn, tơkŭm po séa ngăn, pơxâu kơtăng mâu ki pro xôi; ôh tá lôi ăm troăng châ hâ ho, teăm tơleăng mơnhên klêi tơdroăng xía vâ, tơklâm rơxế a troăng prôk, xua vâ hơniâp lĕm ƀă tơniăn ăm kuăn pơlê.