Tơbleăng a rôh pêi cheăng, Ngế pro xiâm hnê ngăn tơnêi têa Phạm Minh Chính púi vâ tơrŭm cheăng ƀă CSIRO kal thế ai “Tơmeăm mơhno nhên” vâ tơbleăng pêi pơtối; loi a mâu tơdroăng hiăng pêi châ tơƀrê dêi péa pâ dế tí tăng ‘nâi plĕng cho lĕm tro, kal pơtối rak vế tâ nếo. Ngế pro xiâm hnê ngăn tơnêi têa Phạm Minh Chính tối ‘na tơdroăng ‘nâi pâ dêi kuăn pơlê Australia ƀă Việt Nam, malối mâu khoa hok Australia tơdrăng khât, loi nhoăm, mơhno hnoăng cheăng dêi rơpó pêi tơdroăng mê mơhno ing plâi nuih ing mâ ngăn, ki tơrŭm kŏng xuân athế hmâ khât, púi vâ péa tơnêi têa mơnhông tơƀrê.

Rôh kố, Ngế pro xiâm hnê ngăn tơnêi têa Phạm Minh Chính hlo ƀă mâ leh diâp hlá mơ-éa chôu pâ pơla Ngế xiâm Khoa hok ƀă Kơmăi kơmok Huỳnh Thành Đạt ƀă Ngế pơkuâ ngăn CSIRO Doug Hilton.