Đăi hok Mơjiâng tơmeăm Bucharest (UTCB) cho hngêi trung đăi hok kân, châ loi tơngah khât ƀă ai môi to mê tê dêi Romania tơkŭm tâi tâng ăm hnê hriâm kih thuât mơjiâng tơmeăm xúa. Xông tơpui ƀă khu râ kăn pơkuâ ƀă khu mâu kăn ƀô̆, yăo sư, yang viên hngêi trung, Ngế pro xiâm hnê ngăn Chin phuh Phạm Minh Chính vê tối troăng prôk vâ chê 75 hơnăm tơrŭm cheăng Việt Nam – Romania.

Klêi mê, mơnhên, Việt Nam đi đo nhuô̆m tơrŭm cheăng nhŏng o tiô khôi vâi krâ nah ƀă tơrŭm lĕm tro ƀă Romania; pói vâ tung kơvâ hnê hriâm, hnê mơjiâng, Hngêi trung pơtối mơnhông hnoăng cho môi tíu hnê hriâm ki má môi dêi Romania tung mơdêk tơrŭm cheăng ‘na hnê hriâm ƀă hnê mơjiâng tuăn ngôa rơkê, hriăn plĕng khoa hok kŏng ngê̆, ki má lối cho mâu kơvâ ki ai tơmeăm mơnhông rơdêi dêi Hngêi trung ƀă mâu tíu hnê hriâm, khu tơrŭm ki kal dêi Việt Nam; kum mơdêk tâ mê nếo tơrŭm cheăng pơla péa tơnêi têa.