Klêi kơ’nâi tơmâng mâu rơkong tơpui, mơgêi hneăng hôp, Ngế pro xiâm hnê ngăn Chin phuh Phạm Minh Chính mơnhên, kheăn kơdeăn mâu khu xiâm, kơvâ cheăng, kong pơlê, kơ koan, khu cheăng hiăng tơkŭm po pêi pro lĕm tro hnoăng tung roh Têt.

Ki rơhêng vâ tối Ngế pro xiâm hnê ngăn tơnêi têa mơnhên, mơnê, kheăn kơdeăn mâu khu pêi cheăng tung mâu kơvâ cheăng, tơniăn hnoăng cheăng krê, pơkuâ dêi hnoăng cheăng, tơniăn lĕm tơnêi tơníu, tíu tơkăng kong, tơkăng Tơnêi têa; tơniăn kal kí, tơniăn lâp pơlê pơla; tơniăn ‘na ivá, châ chăn dêi kuăn pơlê tung roh phiu ro rơnó Hơngui tơdah Têt; mâu khu mơgrúa kong prâi tơniăn ăm tơnêi têa pin eăng bâ, ngiêt drêh, krúa lĕm, tơniăn; pêi cheăng hôm má môi, châ tơƀrê tung Pơkâ dêi Khu pơkuâ hnê ngăn cheăng Đảng, Chin phuh tơkŭm po ăm kuăn pơlê tơdah Têt.