Tơpui a Rôh hôp, Ngế pro xiâm hnê ngăn Chin phuh Phạm Minh Chính tối nhên, kơchơ tê mơdró chứng khóan Việt Nam cho môi túa kơchơ tê mơdró ki râ a ‘ngêi, môi tơdroăng pơkâ ki kal dêi kơchơ mơdró liăn ngân tối krê ƀă tơdroăng cheăng kâ kơchơ mơdró troăng tơmiât xah hô̆i chuh nghiah a tơnêi têa pin tối tơdjuôm; cho môi ƀâng ‘no liăn cheăng rơkê, hâk vâ; ƀâng mơhnhôk kơxô̆ liăn krâ kơvâ hơnăm ƀă ton hơnăm ki kal ăm khu mơdró kâ; veăng kum kal khât mơdêk tơdroăng pơkâ ‘na cheăng kâ, tơlo liăn pêi pro hơ’lêh khu mơdró kâ Tơnêi têa, hơ’lêh túa mơdêk, mơnhông cheăng kâ rêh ối pơlê pơla.

‘Na hnoăng cheăng, troăng hơlâ ki xiâm tung la ngiâ ah, Ngế pro xiâm hnê ngăn Chin phuh pơkâ thế Khu xiâm ngăn liăn ngân, Vi ƀan Chứng khóan Tơnêi têa tơrŭm ƀă Hngêi rak liăn Tơnêi têa, Khu xiâm pơkâ ƀă ‘no liăn cheăng rơtế ƀă mâu khu xiâm kơvâ cheăng ki ai tơdjâk troh tơkŭm mơjiâng ƀă mơnhông tơdrêng hlối mâu túa pêi pro nhên ƀă pêi pro tơdroăng cheăng tung la ngiâ mơnhông kơchơ chứng khoán troh hơnăm 2030.