A roh hôp, mâu kăn tung Chin phuh tơpui tơno séa ngăn mâu rơkong tơpui, pơkâ ƀă 11 tơdroăng xiâm ai 6 tơdroăng tơkêa bro luât, mê cho: Tâi tâng kuăn pơlê hbrâ tơplâ; Pơkuâ, xúa pháu hnêa, tơmeăm pơtôu ƀă tơmeăm ki tŏng kum (‘mâi rơnêu); Tơmeăm kơnía tiô khôi túa lĕm (‘mâi rơnêu); mơjiâng bro, tơ’nôm mâu troăng dêi luât ki păng ‘nâng ƀă vêh pơtro tiô kih thuât; ‘mâi rơnêu, tơ’nôm mâu troăng dêi Luât Pơkeăng.

Tơdrêng amê, séa ngăn pơkâ mơjiâng mâu luât; Kơlo, râ tơpui ƀă kong têa ê; Troăng tơƀai (‘mâi rơnêu); Troăng rơxế lơtreng (‘mâi rơnêu); tơnêi tơníu ƀă Tơmeăm khoăng tung kơdâm tơnêi; Kơmăi kơmok kŏng ngê̆ kơxô̆; ƀă pơkâ thế ‘na Tơdroăng mơjiâng luât, luât dêi hơnăm 2025, pơhlêh Tơdroăng mơjiâng luât, luât hơnăm 2024.

Tiô Ngế pro xiâm hnê ngăn tơnêi têa, 11 tơdroăng xiâm châ séa ngăn tơpui tơno, pơkâ tung Roh hôp Chin phuh tiô môi tơdroăng xiâm khế 2/2024 pơrá cho mâu tơdroăng xiâm ki kal, pơloăng mơnúa, pá puât hên, ai tơdjâk kân troh tơdroăng mơjiâng luât tơdâng tơ’mô, pêi kêi đeăng, tiô rơxông nếo, chiâng xúa rêm kơxô̆ liăn ăm mơnhông.

Ngế pro xiâm hnê ngăn Chin phuh pơkâ mâu Ngế xiâm, Kăn xiâm pơkuâ kơ koan ối tung Chin phuh mơdêk hiâm mơno, hnoăng, tơdrêng pơkuâ, hnê mơhno, pơkâ troăng tơmiât, troăng tơpui, troăng châ achê tơdroăng vâ mơjiâng luât, rak tơniăn tơdroăng mơjiâng pro, mơdêk ki dâi lĕm; tơkŭm tâi tâng kơxô̆ liăn, ,mơngế pêi cheăng ăm tơdroăng mơjiâng luât ƀă hía hé.