A rôh trâm mâ, Ngế pro xiâm hnê ngăn Chin phuh loi hneăng lăm pôu dêi pôa Bakhtiyor Saidov - Ngế xiâm tơpui kâ kô veăng ‘no hnoăng ki kal tung mơnhông ƀă po rơdâ tơrŭm cheăng pơla péa pâ tung la ngiâ. Ngế pro xiâm hnê ngăn Chin phuh tối, ing tơdroăng tơrŭm tiah hmâ ton nah, kal mơdêk tơrŭm tung tŭm tơdroăng drăng mâu ƀâng Đảng, Chin phuh, Kuô̆k hô̆i ing tơdroăng tơpui tơno tâi tâng khu; xuân môi tiah mơjiâng luât tơrŭm cheăng ki nếo pơla mâu khu xiâm kơvâ cheăng. Malối péa pâ kal tơrŭm vâ tơkŭm pêi tơ ƀrê tơkŭm po hneăng hôp pơla mâu khu mơdró ƀă kong pơlê dêi péa tơnêi têa tung hâi kố hâi lơ 19/3.

Pôa Phạm Minh Chính, Ngế pro xiâm hnê ngăn Chin phuh pơkâ thế péa tơnêi têa mơnhông tơƀrê tâ nếo tơrŭm hnê hriâm - hnê mơjiâng tuăn ngôa rơkê, văn hoă - ngê̆ thuật, ôm hyô ƀă trâm tơpui tơno pơla kuăn pơlê, trâm mâ pơla mâu khu xiâm kal kí pơlê pơla môi tiah mâu sinh viên hneăng hdrối, droh rơtăm veăng ‘no hnoăng mơdêk hlê plĕng  ăm rơxông nếo ƀă thăm  tơrŭm pơla kuăn pơlê péa tơnêi têa.

Um 1: Pôa Phạm Minh Chính Ngế pro xiâm hnê ngăn Chin phuh ƀă Ngế xiâm tơpui kâ Uzbekistan - Um: TTXVN