Xông tơpui a tơdroăng ki kal, tối rơdêi hnoăng ki kal dêi pơto tơmối ƀă tơƀai tung mơnhông cheăng kâ nôkố, Ngế pro xiâm hnê ngăn tơnêi têa Phạm Minh Chính tối hơniâp lĕm ƀă tơrŭm cho troăng pêi ki xiâm, xua mê cheăng kâ, tê mơdró ƀă mơ’no liăn cheăng kô pơtối mơnhông; drêng cheăng kâ mơnhông mê tơdroăng kal vâ xúa, prôk lăm, ôm hyô dêi kuăn pơlê kô hên tâ.

Tung pơla mê, trâm mâ tơpui tơno kuăn mơngế ai hnoăng kal khât ƀă tơdroăng kal vâ prôk lăm ƀă troăng tơƀai kô tâk. Ngế pro xiâm hnê ngăn tơnêi têa Phạm Minh Chính pói vâ khu pơkuâ tơƀai dêi Việt Nam tơrŭm cheăng, tơxup tơbriât tơdâng, ki má lối cho tung pơla nôkố - drêng péa tơnêi têa kô mơdêk tơrŭm cheăng ton xŏn, tung mê, ai kơvâ tơrŭm hnê mơjiâng mơngế pêi cheăng ai hnoăng kal khât.