Tối mơgêi hâi pêi cheăng, teăng mâ Chin phuh, Ngế pro xiâm hnê ngăn tơnêi têa khê̆n kơdeăn ki mơ-eăm ƀă pêi tơ ƀrê châ Đảng ƀô̆, mâu kăn, mâu lêng ƀă pơlê kong kân Hồ Chí Minh,hiăng veăng ‘no hnoăng  mơnhông tơdjuôm dêi lâp tơnêi têa .

Tung la ngiâ, Ngế pro xiâm hnê ngăn tơnêi têa pơkâ thế, pơtối hnê pêi tơdroăng pơkâ Hneăng hôp má 13 dêi Đảng, mâu pơkâ , tối mơgêi dêi Khu xiâm kal kí ‘na mơnhông kơpong Peăng mâ hâi lo ‘na Hdroh tơnêi têa, pơlê kong kân Hồ Chí Minh: Pơkâ 5 hơnăm, troăng rơhlâ pêi 10 hơnăm ƀă Pơkâ hneăng hôp Đảng ƀô̆ pơlê kong kân rôh má 11. Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng khu râ, tơdroăng cheăng pêi, hnoăng ki  chiâng phêp  tơleăng mơnhên mâu tơdroăng dêi pơlê kong kân, tơkŭm tơro pơlâ tơdroăng pêi pro tơdrêng ƀă ‘no tơdrêng tung troăng hyôh , kơdroh prôk lăm, pro hlá mơ-éa, ƀă  pêi khât hnoăng cheăng.