A rôh leh hiăng tơbleăng Pơkâ dêi Ngế pro xiâm hnê ngăn Chin phuh ‘na mơjiâng Vi ƀan Tơnêi têa APEC 2027 ai 19 ngế cheăng, tung mê, pôa Bùi Thanh Sơn, Phŏ Ngế pro xiâm hnê ngăn tơnêi têa, Ngế xiâm tơpui kâ cho kăn hnê ngăn Vi ƀan Tơnêi têa APEC 2027.

Tơpui a Leh tơbleăng, pôa Phạm Minh Chính, Ngế pro xiâm hnê ngăn tơnêi têa tối nhên: Kố cho tơdroăng ki kal khât, tối rơdêi tơdroăng ki ngăn nhuô̆m ƀă khŏm mơeăm dêi Việt Nam tung mơdêk rĕng cheăng hbrâ rơnáu ăm Hơnăm APEC 2027 môi hnoăng cheăng kal kí tơpui kâ ki kal khât ƀă Việt Nam.

Ngế pro xiâm hnê ngăn tơnêi têa loi ƀă hiâm mơno môi tuăn, khŏm mơeăm ƀă pêi pro kơhnâ dêi Việt Nam, ƀă tơdroăng ki môi tuăn tŏng gum dêi mâu kong têa cheăng kâ tơrŭm cheăng ƀă Khu kăn chêh tơm xo rơkong APEC, Hơnăm APEC 2027 kô ƀlêi chiâng tơniăn, veăng gum ăm tơrŭm cheăng APEC tâk troh môi hneăng ki nếo, pêi châ tơdroăng púi vâ dêi mâu kong têa tơrŭm cheăng ƀă veăng gum tung tơdroăng hơniâp lĕm, mơnhông ƀă kro a châu Á – Thái Bình Dương ƀă lâp plâi tơnêi.