Tơpui tơno a roh hôp, khu râ kăn pơkuâ mâu khu xiâm, kơvâ cheăng hiăng mơnhên ‘na tơdroăng tung tơnêi têa ƀă lâp plâi tơnêi, mâu tơdroăng pêi ki rơkê tơtro ƀă hnoăng cheăng vâ tah lôi pá puât, tơvâ tơvân ăm khu tê mơdró, kuăn pơlê, mơdêk pêt mơjiâng tơmeăm, tê mơdró, tăng cheăng pêi ăm kuăn pơlê.

Mơgêi roh hôp Ngế pro xiâm hnê ngăn tơnêi têa Phạm Minh Chính tối nhên, pêi tiô Pơkâ Hneăng hôp má XIII dêi Đảng, tơdroăng pơkuâ, hnê mơhno dêi Tơnêi têa, dêi Khu xiâm kal kí, dêi khu râ kăn pơkuâ xiâm, troăng pêi cheăng ton xŏn mơnhông cheăng kâ rêh ối pơlê pơla 2021 – 2030, mâu pơkâ pêi 5 hơnăm hneăng hơnăm 2021 – 2025, mâu pơkâ dêi Chin phuh, Ngế pro xiâm hnê ngăn Chin phuh vâ pêi pro chiâng pơkâ pêi, troăng pêi pro dêi rêm kơvâ cheăng ƀă kơ koan.

Mơdêk tơdroăng pơtâng tối, ki má lối cho pơtâng tối troăng hơlâ; mơdêk châ tơƀrê tơdroăng pơtâng tối mơhnhôk kuăn pơlê; pêi pro tơtro pơkâ kuăn pơlê pơkuâ dêi hnoăng cheăng; thăm pro krá tơniăn khu rŭm môi tuăn tâi tâng hdroâng mơngế.