‘Na troăng pơkâ, hnoăng cheăng, troăng hơlâ ki kal hơnăm 2024 Ngế pro xiâm hnê ngăn tơnêi têa hiăng tơpui tối leăng ‘na tơdroăng lâp plâi tơnêi ƀă tung tơnêi têa, tơdrêng amê hlối mơhno nhên ki kal pêi, pơkâ thế hnoăng cheăng hơnăm 2024, tung mê, mơhno nhên, hơnăm 2024 cho hơnăm mơdêk rơdêi, tơƀrê, ai pơxúa kal ƀă tơdroăng ki pêi pro ƀlêi chiâng túa pơkâ 5 hơnăm 2021 – 2025.

Ngế pro xiâm hnê ngăn tơnêi têa ăm ‘nâi, tơdroăng ki pơkâ pêi tâi tâng cho kơjo kum mơdêk mơnhông tro ƀă rak vế tơniăn cheăng kân kân, hbrâ mơdât pro mơhrê, rak tơniăn mâu tơdroăng pro tơdâng kân dêi cheăng kâ; tơdrêng amê hlối tơtrŏng rak vế tŏng kum rêh ối pơlê pơla, mơdêk tơdroăng rêh ối kuăn pơlê ‘mâi mơnhông, mơdêk tơdroăng gâk kring cheăng lêng, rak vế tơniăn tung pơlê pơla; mơdêk rơdêi tơdroăng tơpui kâ ƀă tơrŭm cheăng ƀă kong têa ê, rak vế tơdroăng ki hơniâp lĕm ƀă tơdroăng ki tơ’lêi hlâu ăm tơnêi têa mơnhông. Ki nhên hơnăm 2024 cho rak vế ki rơdêi tâi tâng tơmeăm tung tơnêi têa châ 6 – 6,5%.