Ngế pro xiâm hnê ngăn tơnêi têa tối rơdêi, hnê hriâm mầm non cho hnê mâu ngế cheăng, mơnhông kuăn mơngế Việt Nam. Hnê hriâm mầm non cho râ hriâm ăm mâu vâi o ki a hơnăm iâ má môi tung pơla mơjiâng dêi kuăn mơngế. Mơjiâng, mơnhông kuăn mơngế kal athế châ pơkâ tơdroăng ki kal ing mâu hơnăm ki apoăng. Khu pơkuâ ngăn tíu xiâm Đảng hneăng 13 xuân hiăng pơkâ ‘na pơtối hơ’lêh nếo, mơdêk ki rơkê tung troăng hơlâ tŏng kum rêh ối pơlê pơla, pêi pro châ tơdroăngcheăng mơjiâng ƀă rak vế Tơnêi têa tung hneăng ki nếo.

Pơkâ hiăng pơtối tối nhên mâu túa tơmiât ki rơkê plĕng dêi Đảng ‘na troăng hơlâ tŏng kum rêh ối pơlê pơla, tung mê, ai troăng hơlâ ‘na hnê hriâm vâ kum ăm tơdroăng mơnhông kuăn mơngế. Môi tung mâu tơdroăng pơkâ pêi troh hơnăm 2030 châ pơkâ mơ’no tung Pơkâ cho “Pêi klêi tơdroăng hnê ăm râ mầm non ăm hdrêng ing 3 hơnăm troh 5 hơnăm”.