Hbrâ tơdah Têt hơnăm nếo, tung pơla hdrối kố nah, Kơpong cheăng kâ Nghi Sơn ƀă mâu Kơpong hngêi kơmăi hiăng diâp ăm đoân viên, mơngế pêi cheăng lối 7 rơpâu 300 kơxu tơmeăm ƀă tâi tâng kơnâ lối 4,5  rơtal liăn. Tơbleăng a kố, Ngế pro xiâm hnê ngăn tơnêi têa têa Phạm Minh Chính pơtroh ăm tâi tâng mâu kăn ƀô̆, vâi ngoh nâ o kŏng nhân, mơngế pêi cheăng, teăng mâ mâu rơpŏng ai hnoăng tơnêi têa, rơpŏng kơtiê xơpá môi tơdroăng hơniâp ro, rơkâu kơ-êng ƀă rơkâu tơdroăng ki lĕm má môi.

Ngế pro xiâm hnê ngăn tơnêi têa têa tối, ƀă tơdroăng ngăn kuăn mơngế cho ki ối tơdế, cho xiâm, cho tơdroăng pơkâ, cho tơdroăng ki mơhnhôk mơnhông tơƀrê. Đảng, Tơnêi têa đi đo tơmâng khât troh tơdroăng rêh ối kuăn pơlê vâ kuăn pơlê rế ai hmê kâ phâi tơtô hơniâp ro. Ngế pro xiâm hnê ngăn tơnêi têa têa púi vâ mâu kơtiê, mâu ngế vâ chê kơtiê kal pơtối rak vế pêi tro tâ nếo tuăn mơ-eăm púi vâ mơ-eăm mơnhông cheăng kâ vâ hluăn kơtiê krá tơniăn. Ngoh o kŏng nhân mâu ngế pêi cheăng thế mơ-eăm tơkâ luâ tơdroăng pá vâ tơniăn tung rêh ối.