Ngế pro xiâm hnê ngăn tơnêi têa krếo thế Kuô̆k hô̆i pơtối tŏng gum hên hnoăng cheăng pơhlêh troăng hơlâ tŏng gum, pro chiâng ivá krá rơdêi vâ tơnêi têa mơnhông rĕng, krá tơniăn tung la ngiâ.

A rôh hôp tơpui tơno dêi Hneăng hôp má 9, Kuô̆k hô̆i hneăng 15, pôa Phạm Minh Chính, Ngế pro xiâm hnê ngăn Chin phuh tối nhên: Tung pơla hên tơdroăng pơloăng mơnúa tung lâp plâi tơnêi, Việt Nam pơkâ pêi tơƀrê thăm mơnhông lối 8% hơnăm 2025 ƀă troăng tơmiât troh mơnhông péa kơxô̆ tung la ngiâ, mơ-eăm chiâng tơnêi têa mơnhông, pêi lo liăn hên a hơnăm 2045.

Vâ pêi pro châ tơƀrê tơdroăng mê, Ngế pro xiâm hnê ngăn tơnêi têa tối tiah kố, kal tơkŭm tung mơnhông tơƀrê tơdroăng cheăng tung la ngiâ: troăng pơkâ, hngêi trăng ƀă mâu kơxô̆ liăn. Tung mê, mơnhông tơƀrê troăng pơkâ tŏng gum cho “tơdroăng ki pá dêi mâu tơdroăng ki pá”, la xuân cho mâu kơxô̆ liăn, ivá cheăng ăm mơnhông.